Euskarazko informazio iturrien ranking baterako lehen urratsa

2013-06-21 16:39

Datu guztiak hemen dituzue, kalkulu horri batean, baina horrez gaian, analisi edo irakurketa bat argitaratu dugu Sustatun.

Lau datu nagusi neurtu ditugu:

• Zenbat URL desberdin ageri diren domeinu batekoak
• Domeinu horretako URLen inguruan zenbat txio izan diren
• Zenbat jende desberdinek txiokatu duten domeinu bat
• Txioak nolakoak izan diren: aipu zuzenak (RTak barne) edo URL baten ondotik etorri diren erantzunak

Eta datu horiek erkaketatik, zenbait proportzio atera ditugu, zeinetan interesgarrienak (gure iritziz) hauek diren:

• Txio / url proportzioa (interes ratioa deitu diogu honi)
• Erantzun / url proportzioa (eztabaida ratioa)

Laburbildurik, euskaldunok gehien partekatzen dugun sareko baliabidea Youtube da. Ondoren, euskarazko berezko lehen iturria dator, Berria.info (gaur bete ditu 10 urte, zorionak!), eta interes eta eztabaida gehien sortzen duen medioa, Argia.com gero. Eduki gehien sortzen duena, Berriaren ondoren. EITB da, ordea.

Gure helburua da sistematizatzea datu erauzketa hurrengo hilabeteetan, lehen zantzu hauetan esanguratsuak iruditu zaizkigun gauzak baieztatzen diren ala ez ikusteko. Domeinuen eboluzioa ere jakingarria izango da. Era berean, automatizatuz gero, Umap-eko erabiltzaile-rankinga daukagun bezala, informazio iturrien ranking bat ere eratu daitekeela uste dugu.

Bitartean, laburbiltzeko, hemen dituzue oraingoz.

• Maiatzeko 275.000 euskarazko txiotatik erauzitako datuak.
• Horien gaineko irakurketa bat.

Iruzkindu

Erantzuna emateko, Twitter bidez erregistratu behar zara.