Twitterreko euskarazko jarduna
Twitterreko euskarazko jarduna
2015-02-26 09:23
Codesyntaxen garatu dugun UMAP aplikazioan berrikuntzak plazaratu ditugu azken egunotan. UMAP Iturriak atala berregituratu eta indartu dugu, euskaldunok Twitterren partekatzen ditugun lotura edo iturri informatiboen inguruko estatistikekin. Egunez egun (eta hilez hil) euskaldunok zer hedabide eta iturri partekatzen ditugun, zer neurritan, zenbat URL ezberdin iturri bakoitzeko, eta abar. Azken batean, Twitterren gabiltzan euskaldunontzat zeintzuk diren gure erreferentziazko iturriak, eta bakoitza zer neurritan.
2015-01-27 09:27
2014a joan zitzaigun, eta 2015a ere hasi da bere martxa hartzen. Bada garaia iazko urtean zehar UMAPen jaso genituen datuei begirada bat botatzeko eta 2014ak euskaldunon artean hizpide izan dituen gai nagusien laburpena egiteko, Twitterren erabilitako traolen bidez. Politika, kultura, aldarrikapenak, ipuinak... denetarik izan genuen Twitterren 2014an zehar. Honatx!
2014-12-04 09:32
Atzoko egunean euskal twitterlariek botatako txioak aztertu ditugu. Guztira 19.254 txio bota zituzten Umapen zerrendatuta dauden 5.100 txiolarien arten. Txio guzti horien artean, %67,6 euskaraz izan zen (gainontzekoak erdaraz, batez ere gaztelaniaz). Gehien erabili zen traola, askogatik, #eusgara izan zen. Egun arrunt batean baino %45 gehiago txiokatu zen, eta euskara-erabilera ere nabarmen hazi zen.
2014-10-07 12:03
Ttitto Betbederren laguntzarekin, Ipar Euskal Herriko euskal txiolariak identifikatu ditugu, eta euren jardueraren inguruko zenbait datu laburbilduko dizkizuegu: Iparraldeko twitterlariek %65 txiokatzen dute euskaraz, %10-15 frantsesez eta eta %6-8 espainolez.
2014-03-07 12:32
Iragan urteko maiatzean Umapek jasotzen dituen mezuen analisi berezia egin genuen, euskaldunok Twitterren partekatzen ditugun iturriak aztertuz. Funtsean, euskaldunok zein iturri partekatzen ditugun jakin nahi genuen. Eskuz eta kalkulu orri bidez eginiko analisi hura automatizatu egin dugu, modu sinplean oraingoz, iturrien ranking-a sortuz.
2013-11-23 17:42
Urrian zehar, orotara, 6.401 erabiltzaile aktibo izan ditugu gure zerrendan. Idatzitako txioei dagokionez, komunitateko erabiltzaile aktibo horiek 534.793 txio bidali ditugu (%50,44 euskaraz). Egunero, bataz beste, 8.701 euskarazko txio argitaratu dira.
2013-10-29 09:12
Udako atsedenaldiaren ondoren, hona hemen berriro euskal twiterlarien inguruko estatistiken laburpena. Irailean zehar, orotara, 6.056 erabiltzaile aktibo izan ditugu gure zerrendan. Idatzitako txioei dagokionez, komunitateko erabiltzaile aktibo horiek 485.398 txio bidali ditugu (%48,45 euskaraz). Egunero, bataz beste, 7.838 euskarazko txio argitaratu dira.
2013-06-21 16:39
Duela gutxi argitaratu genuen maiatzeko Umap-en jarduna. Gaur, maiatzeko datu horietatik beste azterketa bat egin dugu, agian laster "euskarazko iturrien ranking-a" osatzeko balio dezakeena. Maiatzean izandako 275.000 euskarazko txioak hartu ditugu, eta haietan partekaturiko URL guztiak zenbatu ditugu. Ariketak galdera bati erantzuteko balio dezakeelakoan gaude: "Ze iturritako informazioa trukatzen dugu euskaldunok sarean?"
2013-06-05 12:57
Maiatzean zehar 5.413 erabiltzaile aktibo izan ditugu gure Rankingean. Datu-basean, guztira ia 12.000 hautagai inguru dira, baina horietatik 5.413 izan dira gure irizpideen arabera komunitateko kide bezala identifikatu ditugunak (hilean zehar aktiboak izan direnak eta euskaraz idatzi dutenak). Idatzitako txioei dagokionez, komunitateko 5.292 erabiltzaile horiek 571.605 txio bidali dituzte, horietatik 275.989 (%48,28) euskaraz. Egunero, bataz beste, 8.902,87 euskarazko txio bidali ditugu. Gainontzeko hizkuntzen artean, mezuen %28 gaztelaniaz, %8 ingelesez eta %1 frantsesez.
2013-05-31 10:30
Umapek sortzen dituen galdera eta kezka nagusien artean, zalantzarik gabe, hizkuntza-detekzioarena dago. Nola filtratzen ditugu euskarazko mezuak? Eta zein zehaztasun-maila lortzen dugu? Zuzen ote gabiltza? Ondorengo lerroetan orain arteko gure esperientzia kontatuko dizuegu. Eta hizkuntza-detektorea ondo dabilela azalduko ;-)
2013-05-14 16:22
Umapen Twitterreko euskarazko tuiterlarien eta txioen jarraipena egiten dugu. Hil honetatik aurrera, hileroko laburpen-txostenak argitaratzen hasiko gara. Hilean zehar euskaraz txiokatu duten erabiltzaileen kopurua, euskararen erabilera, eta antzeko zenbait datu orokor. Apirileko datuen laburpena: 5.292 tuiterlari aktibo detektatu ditugu; egunean euskarazko 8.378 mezu txiokatu dira; komunitateko tuiterlarien euskararen erabilera %49,13-koa izan da.
2013-05-02 12:10
Zenbat euskal tuiterlari gara? Ez euskaraz dakigunak, Twitterren euskaraz ari garenak baizik. Ehunka gutxi batzuk izango ziren duela 3-4 urte, baina gaur egun lasai asko esan genezake, gutxienez 5.500-6.500 bagarela. Umapeko datuek horixe diote, behinik behin.
2013-04-10 16:06
Umap.eu webgunea duela laupabost aste argitaratu genuen, baina harrezkero ere ez gara geldi egon. Gaurkoan ere berrikuntza txiki batzuekin gatoz, horien artean albistegi hau berau. Hemendik aurrera, albistegi honen bitartez emango dugu gure aldakuntzen eta hobekuntzen berri.
2013-02-27 09:25
Atzo bertan ireki genuen Umap.eu webgune berritua. Duela bi urte hasitako esperientzian oinarrituta, baina azpiegitura tekniko sendoagoarekin. Alderdi publikoan ere berrikuntzak ditu (joerak, rankinga, fitxak). Martxan da berriro, beraz, Umap: Twitterreko euskarazko jarduna automatikoki filtratzen duen erreminta.
Emaitzak: 14 | Orriak: 1
Albistegiaren RSS jarioa
Iruzkinen RSS jarioa
Albistegi hau Creative Commons Aitortu-PartekatuBerdin 3.0 lizentziapean dago.